Европа Иттифоқи Ўзбекистон қишлоқ хўжалигини ривожлантиришга 40 млн евро ажратди

Ўзбекистон ҳукумати ва Ёвропа Иттифоқи Ўзбекистоннинг қишлоқ хўжалигига бюджет томонидан қўллаб-қувватлаш ва қўшимча ёрдам кўрсатиш мақсадида 40 миллион евро миқдорида молиялаштириш шартномасини имзоладилар.

«Таклиф этилаётган ҳаракатлар Ўзбекистон ҳукуматига аграр озиқ-овқат секторини ривожлантиришнинг 2020–2030 йилларга мўлжалланган янги Давлат стратегиясини амалга оширишга кўмаклашиш,  фермерлар ва агробизнес корхоналарига ёрдам бериш учун давлат хизматларини кучайтиришга кўмаклашиш учун ёрдам беради».

Унга қишлоқ хўжалигида ер ислоҳоти, фермерларга маслаҳатлар бериш учун янги хизматларни ривожлантириш, маълумотлар олишни яхшилаш, соҳага инновацияларни жорий этиш, таълим тизимини ислоҳ қилиш ва малака ошириш чора-тадбирлари киради. Қишлоқ хўжалигининг инвестицион жозибадорлигини ошириш чоралари ҳам режалаштирилган. Ушбу ҳаракатларнинг барчаси ички ва халқаро бозорда Ўзбекистоннинг рақобатдошлигини оширишга қаратилган.

Қишлоқ хўжалигини модернизация қилиш доирасида анъанавий равишда пахтачилик ва ғалла етиштиришдан воз кечиш ва бошқа қишлоқ хўжалик маҳсулотларини етиштиришни рағбатлантириш бўйича ислоҳотлар амалга оширилмоқда. Мустақил Давлатлар Ҳамдўстлиги мамлакатларида яхши танилган, аммо Осиё ва ЕИнинг тез ривожланаётган бозорларида унчалик таниқли бўлмаган мева ва сабзавот экинларини етиштириш тажрибасида Ўзбекистон нисбатан устунликка эга.

Ушбу экспорт бозорлари озиқ-овқат маҳсулотларининг сифати ва хавфсизлик стандартларини талаб қилади. Ушбу эҳтиёжларни қондириш учун давлат ва хусусий секторда «ишлаб чиқарувчидан истеъмолчига» тамойили бўйича хизматлар ва тизимларни агротехникани қўллаб-қувватлаш тизимини тубдан қайта қуриш ва ривожлантириш талаб этилади.

Агар бу муваффақиятли амалга оширилса, мамлакатнинг табиий ресурслари муҳофазасига катта ҳисса қўшилади, чунки пахтачилик ва ғалла етиштириш тупроқнинг таназзули ва шўрланишига олиб келади. Бу, шунингдек, Ўзбекистоннинг қишлоқ жойларида яшовчи 15 миллион кишининг (жами аҳолининг 49, 4 фоизи ва кам таъминланган уй хўжаликларининг 75 фоизи) турмуш шароитларини яхшилашга ёрдам беради ва чекка ҳудудларда бандликни таъминлаш билан боғлиқ бир қатор масалаларнинг барқарор ечимини таъминлайди.