×

Версия для слабовидящих

Call-center
+998 (71) 202-02-10

Агентлик ҳақида

Ўзбекистон Республикаси Президентининг «Ўзбекистон Республикаси Инвестициялар ва ташқи савдо вазирлиги фаолиятини ташкил этиш тўғрисида» 2019 йил 28 январдаги ПҚ-4135-сонли қарори ижросини таъминлаш мақсадида Вазирлар Маҳкамаси томонидан Ўзбекистон Республикаси Инвестициялар ва ташқи савдо вазирлиги ҳузурида Хорижий инвестицияларни жалб этиш агентлиги ташкил этилди.

Ўзбекистон Республикаси Инвестициялар ва ташқи савдо вазирлиги ҳузуридаги Хорижий инвестицияларни жалб этиш агентлиги қуйидаги асосий стратегик мақсад ва йўналишларни амалга оширади:

  • республика иқтисодиётига хорижий инвестицияларни жалб қилишга қаратилган, давлатнинг иқтисодий, ижтимоий ва экологик манфаатларини ҳисобга олган ҳолда хорижий инвесторларга қулай шароитлар яратишга қаратилган ягона давлат инвестиция сиёсатини амалга оширишда қатнашиш;
  • хорижий инвесторларга ахборот, ҳуқуқий ва бошқа кўмак, шунингдек, давлат органлари ва ташкилотлари, маҳаллий тадбиркорлар билан инвестицион фаолият соҳасида ўзаро ҳамкорликни ташкил этишга кўмаклашиш.;
  • хорижий инвестициялар иштирокида истиқболли ва амалга оширилаётган инвестиция лойиҳалари тўғрисида маълумотлар базасини шакллантириш ва юритиш, уларнинг амалга оширилиш ҳолати мониторингини олиб бориш;
  • хорижий ишбилармон доиралар, шу жумладан оммавий ахборот воситалари орқали хорижий инвесторларга яратилган қулай шарт-шароитлар, кафолатлар, имтиёзлар ва преферентциялар ҳақида маълумот бериш орқали республиканинг иқтисодий, ресурс ва инвестициявий салоҳиятини кенг тарғиб қилиш ва тарғиб қилишни ташкил этиш;
  • Ўзбекистон Республикасининг ижобий халқаро имиджини шакллантириш ва сақлашда ҳар томонлама ёрдам кўрсатиш