Ўзбекистон – Япония бизнес-анжумани бўлиб ўтди
Япониянинг Ўзбекистон Республикасидаги Элчихонаси ва “Тошкент-Нагоя” Дўстлик ассоциацияси билан биргаликда “Ўзбекистон-Япония ҳамкорлиги динамикаси ва Ўзбекистонга тўғридан-тўғри хорижий инвестицияларни жалб этиш имкониятлари” мавзуида онлайн анжуман ўтказилди.
Унда Ўзбекистон Республикаси Инвестициялар ва ташқи савдо вазирининг биринчи ўринбосари Л.Кудратов, Япониянинг Ўзбекистон Республикасидаги Элчихонаси вакиллари, шунингдек, Нагоя шаҳрининг (Япония) 40 дан ортиқ кичик ва ўрта бизнес вакиллари иштирок этди.
Япония ишбилармонлик доиралари вакилларига Ўзбекистонда бизнес юритиш учун яратилган шароитлар, турли соҳаларга илғор япон технологияларини жорий этиш бўйича ҳамкорлик қилиш истиқболлари ҳақида маълумот берилди.
Анжуман доирасида Ўзбекистон тадбиркорларининг бир қатор Япония компаниялари билан икки томонлама учрашувлари бўлиб ўтди. Жумладан, туризмни ривожлантириш соҳасида ҳамкорлик ўрнатиш юзасидан “Smile Tourist”, меҳнат миграцияси соҳасида – “HRS Japan Co, Ltd.” ҳамда Японияга маҳкамлаш буюмлари етказиб беришни ташкил этиш бўйича “Meinan Co., Ltd.” компанияси билан музокаралар ўтказилди.
Тадбир якунида 2022 йилнинг биринчи ярмида Тошкент шаҳрида Япониянинг кичик ва ўрта бизнес субъектлари вакилларининг бевосита иштирокида 2-конференцияни ташкил этишга келишилди.
Другие новости и события
Алоқа учун маълумотлар
100060, Ўзбекистон, Тошкент, Тарас Шевченко кўчаси, 34
+998 (71) 202-02-10
Invest.gov.uz инвестицион порталининг ҳар қандай материаллари (такрор ишлаб чиқариш, нашр этиш, нусха олиш, қайта чоп этиш, тарқатиш, таржима қилиш, телекўрсатув, қайта ишлаш ва бошқа тарқатиш усуллари) - биринчи манба ва порталнинг ҳаволаси кўрсатилмаган ҳолда ишлатилиши қатъиян тақиқланади!