Ўзбекистон чарм-поябзал бозори сўнгги 5 йил ичида қандай ўзгарди

Саноатда ишлаб чиқариш ҳажми 5 баробар, инвестисияларни жалб қилиш 11 баробар ошди.

2017-2021-йилларда Ўзбекистонда чарм-поябзал саноати ишлаб чиқариш ҳажми 90 миллион доллардан 450 миллион доллардан кўпроққа кўтарилди, дея хабар беради “Бизнес Россия” порталидаги шарҳ.

Жисмоний жиҳатдан “Маде ин Узбекистан” бренди остидаги поябзал ва аксессуарлар ишлаб чиқариш 10,8 миллиондан 115 миллион жуфтга ошди. Тери хомашёсини қайта ишлаш ва чарм ишлаб чиқариш ҳажми 1,6 миллиард дм квадрат метрга етди.  Жун ва қоракўл маҳсулотлари етиштиришда яхши динамика кузатилмоқда.

Соҳа инвестицион жозибадор бўлишга муваффақ бўлди — 2017-йилдан буён инвестициялар ҳажми ўтган йили 18,4 миллион доллардан 200 миллион доллардан ошиб кетди.

Хом ашёни қайта ишлаш ҳажмининг ортиши ҳисобига юқори қўшимча қийматга эга тайёр маҳсулот ишлаб чиқариш кўпайди – ҳозир бу кўрсаткич йилига 13,5 миллион тери, салоҳияти 37 миллион дона.

Ўзбекистон аста-секин терини чуқур қайта ишлаш бўйича Марказий Осиёнинг хомашё марказига айланиб бормоқда. Янги ишлаб чиқариш корхоналарида фақат учинчи ишлов бериш босқичи – кесишдан олдинги охирги босқичдаги тайёр тери ишлаб чиқарилади.

Кейинги 2 йилда асосан тайёр маҳсулот ишлаб чиқаришни кенгайтиришга қаратилган 490 та инвестисия лойиҳасини амалга ошириш режалаштирилган.

Давлат чорва молларини сўйиш ва терини қайта ишлашдан тортиб, тайёр поябзал ва чарм буюмлар ишлаб чиқаришгача бўлган ишлаб чиқариш кластерлари ва саноатга оид тўлиқ ишлаб чиқариш циклини яратиш учун тахминан 8,3 миллион доллар сарфлади.

Жумладан, Франция капитали иштирокида Фарғона вилоятидаги “Водий-Шоес” каби ҳудудларда тўлиқ автоматлаштирилган поябзал фабрикалари ишга туширилмоқда. Умумий қиймати 8,5 миллион доллар бўлган лойиҳа доирасида 1 миллион жуфтдан ортиқ эркаклар, аёллар ва болалар учун ҳақиқий чармдан тикилган поябзаллар етказиб берилади.

Ўтган йили ишга туширилган 38 инвестиция лойиҳаси 33,7 миллион долларлик импорт ўрнини босувчи маҳсулотлар ишлаб чиқаришни йўлга қўйиш имконини берди.

Ўзбек брендлари аста-секин ташқи бозорларни забт этмоқда. Энди уларни 30 дан ортиқ мамлакатларда учратиш мумкин, яқин 3-5 йил ичида улар яна 15 та янги экспорт йўналишларини – асосан Европа ва Жануби-Шарқий Осиёда очиш ниятида.

Бунга, жумладан, давлат томонидан қўллаб-қувватлаш чора-тадбирлари, жумладан, ишлаб чиқарувчилар ва экспорт қилувчиларнинг ташиш, сертификатлаштириш ва рўйхатдан ўтказиш, реклама кампанияларини ўтказиш, халқаро тендер ва танловларда қатнашиш харажатлари ва бошқа ҳаражатларининг бир қисмини қоплаш кўмаклашади.

Аввалроқ Спот поябзал ва чарм буюмлар ишлаб чиқарувчилар учун янги ва кенгайтирилган имтиёзлар ҳақида ёзган эди.

 

Манба: www.spot.uz