Табиий ҳудуди

Самарқанд вилояти ҳудудининг иқлимини иккита зонага бўлиши мумкин. Шимолий қисм ва олис ғарб континентал иқлимга, қолган қисми (марказ, жануб ва шарқ) субтропик ички континентал иқлимга мансуб. Иккала иқлимда ёз жазирама ва қуруқ, қиш қисман совуқ. Ўртача йиллик ҳарорат +16,5 °C; январда ўртача ҳарорат 0,2 °C, июлда ўртача ҳарорат +27,0 °C.

Мутлақ минимум ҳарорат —26 °C ни, мутлақ максимум ҳарорат +58 °C ни ташкил этган. Ҳудудда ўртача бир йилда 310—330 мм ёғин тушади (ёғингарчиликнинг асосий қисми баҳор ва кузга тўғри келади). Вегетация даври 218—220 кун давом этади.

Сув ресурслари

Водийнинг асосий дарёси - Зарафшон - у музликдан бошланиб, қор ва музлик сувлари билан тўйинади. Шу сабабли дарёнинг сув режими етарли даражада барқарор бўлиб, гидроэлектрстанцияларнинг йил давомида бир маромда ишлашини таъминлайди ҳамда сув тошқинларини олдини олади. Сувдан самарали фойдаланиш учун Зарафшоннинг ўрта оқимида Каттақўрғон, қуйи оқимида эса Қуйимозор сув омборлари қурилган. Эски анҳор канали орқали Зарафшон сувлари Қашқадарё вилоятига келади. Сувдан фойдаланиш даражаси бўйича Ўрта Осиёнинг ҳеч бир дарёси Зарафшон билан тенглаша олмайди - уларнинг 90 фоизи суғоришда ишлатилади. Ҳудуддаги ерости сувлар юзага яқин оқади, улар таркибида тузлар кўп бўлмаса-да, ичишга ярамайди.

Ҳудуднинг инвестицион салоҳияти