Туркманистон ҳукумат делегациясининг ташрифи доирасида Тошкент шаҳридаги “Технопарк” саноат мажмуаси ҳудудида Ўзбекистон Республикаси қишлоқ хўжалиги ва саноат салоҳиятининг кўргазмаси ташкил этилди.
Делегация аъзолари Ўзбекистоннинг кимё, нефть-газ, фармацевтика, электротехника, тўқимачилик, ипак, чарм-пойабзал йўналишларидаги стендларга ташриф буюришди. Қишлоқ хўжалигининг турли соҳаларига, жумладан, мева-сабзавотчилик, иссиқхона хўжаликлари, уруғчилик, картошкачилик, паррандачилик, балиқчилик ва чорвачиликка оид стендлар ҳам намойиш этилди. Бундан ташқари, Туркманистон делегацияси раҳбари кенг турдаги харидоргир маҳсулотларни ишлаб чиқаришга йўналтирилган “Технопарк” мажмуасининг саноат қувватлари билан атрофлича танишди.
Туркманистон томонига Ўзбекистонда иқтисодиёт тармоқларини ривожлантиришни рағбатлантириш доирасида кўрилаётган чора-тадбирлар ҳақида ҳам маълумот берилди. Икки мамлакат корхоналари ўртасида саноат кооперациясини кенгайтириш, истиқболли соҳаларда тажриба ва технологиялар алмашиш бўйича амалий чора-тадбирлар муҳокама қилинди.
Другие новости и события
Invest.gov.uz инвестицион порталининг ҳар қандай материаллари (такрор ишлаб чиқариш, нашр этиш, нусха олиш, қайта чоп этиш, тарқатиш, таржима қилиш, телекўрсатув, қайта ишлаш ва бошқа тарқатиш усуллари) - биринчи манба ва порталнинг ҳаволаси кўрсатилмаган ҳолда ишлатилиши қатъиян тақиқланади!