EPAM Systems
«EPAM» kompaniyasi O‘zbekistondagi faoliyatini 2019-yilda mamlakat IT bozorini rivojlantirish hamda dasturiy ta’minot ishlab chiqishning xalqaro standartlarini joriy etish maqsadida Toshkent shahrida o‘z ofisini ochish orqali boshladi.
Kompaniya IT ta’limi va kadrlar salohiyatini yuksaltirish jarayonlarida faol ishtirok etmoqda. 2022-yilda «EPAM» yuzlab xodimlarini Rossiya va Belarusdan O‘zbekistonga ko‘chirib o‘tkazdi (relokatsiya qildi) va bu uning mamlakatdagi operatsion faoliyati ko‘lamini yanada kengaytirdi.
O‘zbekiston iqtisodiyoti va IT sohasiga qo‘shilgan hissa:
-
Yangi ish o‘rinlarini yaratish va mutaxassislarning kasbiy malakasini oshirish.
-
Dasturiy ta’minot yaratish va loyihalarni boshqarish bo‘yicha xalqaro standartlarni tatbiq etish.
-
O‘zbekistonning mintaqaviy IT xab sifatidagi mavqeini mustahkamlash.