Biz haqimizda

Vazifa 01

To‘g‘ridan-to‘g‘ri xorijiy investitsiyalar jalb etiladigan loyihalar doirasida davlat, hududiy va tarmoq investitsiya dasturlarini shakllantirish hamda amalga oshirishda ishtirok etadi.
To‘g‘ridan-to‘g‘ri xorijiy investitsiyalarni jalb etish uchun iqtisodiyotning ustuvor yo‘nalishlari va sanoatning muhim tarmoqlarini belgilash bo‘yicha takliflar kiritadi.
Davlat organlari va tashkilotlariga istiqbolli investitsiya takliflari va loyihalarini ishlab chiqishda hamda potensial xorijiy investorlarni izlashda ko‘maklashadi.
Xorijiy investorlarning muammolari to‘g‘risidagi axborotni tahlil qiladi va tizimlashtiradi hamda investitsiya faoliyati samaradorligini oshirish bo‘yicha takliflar ishlab chiqadi.
Xorijiy investitsiyalarni jalb etish, shuningdek, xorijiy investorlarning huquqlari va qonuniy manfaatlarini qo‘llab-quvvatlash va himoya qilish sohasidagi qonunchilikni takomillashtirish bo‘yicha takliflarni tayyorlashda ishtirok etadi.

Vazifa 02

Xorijiy investorlarni investitsiya faoliyatining normativ-huquqiy asoslari hamda investitsiya imkoniyatlari, jumladan, imtiyozlar, preferensiyalar, ustuvor tarmoqlar va infratuzilma to‘g‘risidagi ma’lumotlar bilan ta’minlaydi.
Xorijiy investorlarga investitsiya siklining barcha bosqichlarida konsultativ-huquqiy hamrohlikni amalga oshiradi.
Zarur hujjatlarni, jumladan, investitsiya takliflari, loyiha pasportlari, loyihaoldi va loyiha hujjatlari, investitsiya shartnomalari hamda boshqa hujjatlarni ishlab chiqish va rasmiylashtirish bo‘yicha xizmatlar ko‘rsatadi.
Xorijiy investorlarga yer uchastkalari, bo‘sh turgan va foydalanilmayotgan ko‘chmas mulk obyektlarini izlash va xarid qilishda, shuningdek, davlat xizmatlari va ruxsatnomalarni olish uchun zarur hujjatlarni tayyorlashda ko‘maklashadi.
Kredit tashkilotlari bilan hamkorlikda investitsiya loyihalarini birgalikda moliyalashtirish uchun kredit mablag‘larini jalb etish imkoniyatlarini o‘rganadi.
Xorijiy investorlarning murojaatlarini manfaatdor davlat organlari va tashkilotlarini jalb etgan holda tezkor ko‘rib chiqilishini ta’minlaydi.
Xorijiy investorlarning davlat organlari, tashkilotlar va mahalliy tadbirkorlar bilan uchrashuvlari hamda muzokaralarini tashkil etadi.
Xorijiy investorlarning O‘zbekistonga va mahalliy hamkorlarning xorijiy mamlakatlarga o‘zaro tashriflarini tashkil etishga ko‘maklashadi.

Vazifa 03

Xorijiy investitsiyalar ishtirokidagi istiqbolli va amalga oshirilayotgan investitsiya loyihalarining elektron ma’lumotlar bazasini shakllantiradi va muntazam ravishda yangilab boradi.
Amalga oshirilayotgan investitsiya loyihalari, jalb etilgan va o‘zlashtirilgan xorijiy investitsiyalar hisobini mamlakatlar, hududlar va iqtisodiyot tarmoqlari kesimida yuritadi.
Xorijiy investitsiyalarni jalb etish va o‘zlashtirish holati to‘g‘risida statistik hamda tahliliy ma’lumotlarni tayyorlaydi.
Investitsiya loyihalarining amalga oshirilishini tizimli ravishda monitoring qiladi va ularni amalga oshirish samaradorligini oshirish bo‘yicha takliflar kiritadi.
Potensial xorijiy investorlar uchun istiqbolli investitsiya loyihalari to‘g‘risidagi ma’lumotlarning Internet tarmog‘ida e’lon qilinishini ta’minlaydi.

Vazifa 04

Potensial xorijiy investorlarni xabardor qilish maqsadida mamlakatning ijtimoiy-iqtisodiy rivojlanishi va amalga oshirilayotgan islohotlar to‘g‘risidagi ma’lumotlarning muntazam yoritilishini ta’minlaydi.
Investitsiya loyihalarini amalga oshirish samaradorligini baholaydi, ekspertlar va xorijiy investorlar o‘rtasida so‘rovlar o‘tkazadi, shuningdek, samarali loyihalar ma’lumotlar bazasini shakllantiradi.
O‘zbekiston Respublikasining iqtisodiy, sanoat, texnologik va resurs salohiyati, shuningdek, xorijiy investorlarni qo‘llab-quvvatlash choralari to‘g‘risidagi materiallarni tayyorlashda ishtirok etadi.
Xorijiy investitsiyalarni jalb etish bo‘yicha biznes-gidlar, maxsus adabiyotlar, bukletlar va boshqa axborot mahsulotlarini tayyorlaydi va nashr etadi.
O‘zbekiston Respublikasining investitsiya salohiyati to‘g‘risida taqdimot materiallari va videoroliklar tayyorlaydi.
Investitsiya salohiyati to‘g‘risidagi axborot-reklama materiallarining ommaviy axborot vositalari va Internet tarmog‘ida tizimli ravishda joylashtirilishi hamda yangilanib borilishini ta’minlaydi.
O‘zbekistonda va xorijiy mamlakatlarda investitsiya va biznes forumlari, konferensiyalar, davra suhbatlari, seminarlar hamda boshqa tadbirlarni tashkil etadi.
Xorijiy mamlakatlarning investitsiya muhitini qiyosiy tahlil qiladi va O‘zbekistonda investitsiya muhitini yaxshilash bo‘yicha takliflar ishlab chiqadi.

Vazifa 05

Xalqaro reyting agentliklari va moliya institutlarining O‘zbekiston Respublikasiga oid reyting baholarini monitoring qiladi, ularni shakllantiruvchi omillarni tahlil qiladi hamda xalqaro reytinglarni yaxshilash bo‘yicha takliflar tayyorlashda ishtirok etadi.
Xorijiy investorlar va xorijiy mamlakatlar vakillari o‘rtasida O‘zbekistondagi ishbilarmonlik muhiti va investitsiya iqlimining holati yuzasidan so‘rovlar o‘tkazadi.
Mamlakatning investitsiyaviy jozibadorligini oshirish bo‘yicha xalqaro tajribani o‘rganadi hamda investitsiya strategiyasi bo‘yicha tegishli sharhlar va tavsiyalar tayyorlaydi.
Investitsiya faoliyati sohasida xorijiy mamlakatlarning tegishli agentliklari, tashkilotlari va boshqa subyektlari bilan har tomonlama hamkorlikni yo‘lga qo‘yadi.

O‘zbekiston Respublikasi Investitsiyalar, sanoat va savdo vazirligi huzuridagi Xorijiy investitsiyalarni jalb etish agentligi