Miahona
«Miahona» kompaniyasi O‘zbekiston bilan rasmiy hamkorligini 2024-yilning kuzida, 4-sentabr kuni O‘zbekiston Respublikasi Investitsiyalar, sanoat va savdo vazirligi hamda milliy hamkorlar bilan dastlabki bitimni imzolash orqali boshladi. Ushbu muhim qadam kompaniyaning mamlakatdagi uzoq muddatli faoliyatiga asos soldi hamda O‘zbekistonning suv xavfsizligi va infratuzilmani modernizatsiya qilish bo‘yicha strategik ustuvor vazifalariga muvofiq ravishda suv resurslarini boshqarish bo‘yicha mahalliy platforma — «Miahona Uzbekistan»ning tashkil etilishiga zamin yaratdi. Kompaniya davlat muassasalari bilan tez fursatda mustahkam aloqalar o‘rnatib, texnologiyalar transferini jadallashtirish hamda infratuzilmaviy hamkorlikning barqaror modellarini ilgari surish orqali yuqori e’tirofga sazovor bo‘ldi.
Bugungi kunda «Miahona» irrigatsiya tarmoqlarini qayta tiklash va ekspluatatsiya qilishda faol ishtirok etmoqda, suv ta’minoti va oqova suvlarni tozalash loyihalari bo‘yicha konsultatsion ko‘mak ko‘rsatmoqda hamda muhim tashabbuslarning barqaror amalga oshirilishini ta’minlash maqsadida davlat-xususiy sheriklik (DXSh) muloqotlarida qatnashmoqda. 2025-yil noyabr oyida kompaniya O‘zbekiston Respublikasi Investitsiyalar, sanoat va savdo vazirligi hamda Suv xo‘jaligi vazirligi bilan qo‘shimcha hamkorlik bitimlarini imzolab, BOOT («qurish — egalik qilish — boshqarish — topshirish») modeli asosida sug‘orish nasos stansiyalarini qayta tiklash, almashtirish va uzoq muddatli ekspluatatsiya qilish bo‘yicha sheriklikni kengaytirdi. Ushbu doirada «Miahona» Qoraqalpog‘istondagi 100 dan ortiq hamda Xorazm viloyatidagi 200 dan ziyod nasos stansiyalarini qamrab oluvchi loyihalarni tahlil qilmoqda.
«Miahona» suvdan qayta foydalanish, energiya tejamkorligi va raqamli texnologiyalarga asoslangan yechimlarni tatbiq etish orqali O‘zbekiston suv infratuzilmasini modernizatsiya qilishga salmoqli hissa qo‘shmoqda, shu bilan birga bilim almashinuvi va mahalliy texnik salohiyatni rivojlantirishga ko‘maklashmoqda. Kompaniyaning bosh ijrochi direktori, muhandis Avaad al-Otaybiy ta’kidlaganidek, «Miahona»ning O‘zbekistondagi ishtiroki integratsiyalashgan suv aylanishini boshqarish bo‘yicha tajribani kengaytirish hamda umumiy qiymat yaratuvchi uzoq muddatli sheriklikni yo‘lga qo‘yishga qaratilgan global strategiyasining ajralmas qismidir.
«Miahona»ning xalqaro miqyosdagi yetakchiligi «World Business Outlook Awards 2025» mukofotining to‘rtta milliy sovrini bilan e’tirof etildi; bular qatoriga suv aylanishini boshqarishdagi mukammallik, oqova suvlarni tozalash bo‘yicha yetakchi yechimlar hamda keng qamrovli, ishonchli va barqaror suv xizmatlarini yetkazib berish bo‘yicha yutuqlar kiradi. Kompaniya O‘zbekistonning taraqqiyot maqsadlariga to‘liq sodiq qoladi va mamlakatni mintaqa uchun barqaror suv kelajagini shakllantirishdagi asosiy hamkor sifatida biladi.