Nurlikum Mining
Nurlikum Mining — Fransiyaning Orano kompaniyasi va O‘zbekistonning davlat kompaniyasi "Navoiyuran" o‘rtasida 2019-yilda tashkil etilgan uran qo‘shma korxonasi.
Nurlikum Mining 2019-yilda Fransiyaning yadro yoqilg'isi guruhi Orano va O'zbekistonning davlat uran ishlab chiqaruvchisi "Navoiyuran" o'rtasida qo'shma korxona sifatida tashkil etilgan. U 2020-yilda Shimoliy va Janubiy Jengeldi konlari bo'yicha qidiruv ruxsatnomalarini oldi. 2022-yilda Orano va O'zbekiston hududdagi aniqlangan resurslarni kamida ikki barobar oshirishni maqsad qilgan strategik doiraviy bitim imzoladi.
Besh yil davomida qo‘shma korxona 200 000 metrdan ortiq burg‘ulash ishlarini bajardi. 2023-yil noyabrida yer ostida tanlab eritish usulidagi tajriba-sinov jarayonida birinchi 350 kg uran olindi. 2025-yilda hamkorlar Navoiy viloyatining Tomdi tumanida joylashgan Janubiy Jengeldi konini o‘zlashtirish haqida kelishdi. 2025-yil sentabr holatiga ulushlar quyidagicha: "Navoiyuran" 45%, Orano 45% va Yaponiyaning ITOCHU kompaniyasi ozchilik ulushiga ega.
Orano va uning hamkorlari loyiha yiliga o‘rtacha 500 tonna, eng yuqori ko‘rsatkichda 700 tonna uran berishini va bu 10 yildan ortiq davom etishini kutmoqda. Kun.uz 2025-yil iyun oyida birinchi bosqich uchun uch yil davomida taxminan 214 million dollar sarmoya talab etilishini yozdi. Jengeldidagi vazirlik tomonidan ro‘yxatga olingan resurslar 12 500 tonna uranni tashkil etadi.