×

Версия для слабовидящих

Call-center
+998 (71) 202-02-10

Агентликда Pricewaterhousecoopers вакиллари билан учрашув ташкил этилди

Хорижий инвестицияарни жалб этиш агентлигида консалтинг ва аудиторлик хизматлари бўйича дунёдаги тўртта етакчилардан бири ҳисобланган Британиянинг PricewaterhouseCoopers (PwC)  компанияси вакиллари Дионисиус Смолен ва Павел Опешчук билан учрашув бўлиб ўтди.

Учрашув давомида компания вакиллари сармоядорлар билан ишлаш ва инвестицион муҳитни яратишга мўлжаллаган алоҳида бўлим ташкил этишга ваъда бердилар. Бунга мисол сифатида дунёдаги ўхшаш идоралар билан ҳамкорликнинг ижобий натижалари қайд этилди.

PwC мутахассислари ўзларининг фаолияти тўғрисида қисқача гапириб, компаниянинг муҳим вазифалари қаторига иқтисодиёт тармоқларини таҳлил қилиш ва иқтисодий стратегияни ишлаб чиқиш, ИТ соҳасини ривожлантириш ва экспортни илгари суриш каби йўналишларни таъкидлаб ўтдилар.

Учрашув давомида Агентлик раҳбарияти ПwC билан ҳамкорлигини биринчи босқичида белгиланган ижобий ишбилармонлик муҳитини яратишга ва мавжуд халқаро бозорларда Ўзбекистон тўғрисида маълумот тарқатишга йўналтирилган ишлардан бошланиши мумкинлигини таъкидладилар.

Шунингдек, бугунги кунда Ўзбекистон ҳукумати томонидан 2020-2025 йилларга мўлжалланган стратегик ривожлантириш лойиҳасида тўғридан-тўғри хорижий инвестицияларни етти баравар ошириш кўзда тутилган.

Шу муносабат билан PwC вакилларига Агентлик олдига қўйилган вазифалар асосида ҳамкорлик ўрнатиш мумкин бўлган йўналишлар бўйича конструктив таклифлар берилди.


Хорижий инвестицияларни жалб этиш агентлиги