«Ўзкимёсаноат» амалга ошириш режалаштирилган умумий қиймати 4 миллиард доллардан ортиқ бўлган лойиҳаларни тақдим этди

«Ўзкимёсаноат» акциядорлик компанияси бошқаруви раиси Жўрабек Мирзамахмудов Президент Шавкат Мирзиёевга ушбу соҳанинг ривожланиши ва амалга оширилиши режалаштирилган лойиҳалар тўғрисида тақдимотни тақдим этди.Тақдимот жорий йилнинг январ ойида бўлиб ўтган йиғилиш натижалари асосида тайёрланди.

Кейинги икки ой ичида 7 та янги лойиҳани ишга тушириш режалаштирилган бўлиб, уларнинг қиймати 1,5 млрд долларни ташкил этади. Ушбу лойиҳалар қиймати $ 382 млн. бўлган маҳсулотларни экспорт қилиш, шунингдек, импортни йилига $ 750 млн. га алмаштириш имконини беради. Умуман олганда, умумий қиймати 4 миллиард долларга тенг янги лойиҳалар орқали 3,430 та янги иш ўрни яратиш режалаштирилган.

Бугунги кунда умумий қиймати 2 миллиард 600 миллион долларлик 18 та лойиҳанинг техник-иқтисодий асослари ҳам ишлаб чиқилмоқда. Умуман олганда, жорий йилда барча лойиҳаларни амалга ошириш натижасида ва келгусида 3 миллиард долларлик ишлаб чиқариш қуввати яратилади ва экспорт салоҳияти 1 миллиард 300 миллион долларга етади. Янги корхоналарда 3500 га яқин иш ўрни яратилади.

Яна бир муҳим жиҳат шундаки, ушбу корхоналар ишга туширилгандан сўнг табиий газдан қайта ишланган янги маҳсулотларнинг қиймати 2 миллиард 100 миллион сўмдан ошади, яъни қўшилган қиймат 14 баравар ошади.

Кимёвий хом ашё ва ярим тайёр маҳсулотлар асосида талаб юқори бўлган товарларни ишлаб чиқариш қувватларини яратиш мақсадида «Навоиязот» ва «Фарғонаазот» акциядорлик жамиятларида, шунингдек, Қорақалпоғистон Республикасида учта йирик технологик кластер яратиш режалаштирилган.

Хусусан, Навоиязотда қиймати 2 миллиард 600 миллион долларга тенг 16 та лойиҳа, Фарғонаазотда 334 миллион долларлик 4 та лойиҳа ва Қорақалпоғистон Республикасида қарийб 687 миллион долларлик 3 та лойиҳа амалга оширилади.

https://kun.uz/