Ўзбекистонда электр энергиясини сотувчи хусусий компаниялар пайдо бўлади

Хусусий ишлаб чиқарувчи корхоналарни улашда тенг шароитлар яратиш мақсадида “Ўзбекистон миллий электр тармоқлари” АЖнинг электр энергиясини сотиб олиш ва магистрал тармоқларни бошқариш бўйича ваколатларини қуйидагиларга бўлиш таклиф этилди:

– ягона харидор корхона шартнома асосида барча электр станцияларидан электр энергиясини сотиб олади ва уни йирик корхона ва ҳудудий электр тармоқлари корхоналарига сотади;

– магистрал тармоқлар оператори электр энергиясини ташиш, йўқотишларни камайтириш ва энергия тизимини техник бошқариш учун жавобгар бўлади.

Бундан ташқари, келгуси йилда 14 туман ва шаҳарда “Худудий электр тармоқлари” акциядорлик жамиятига муқобил равишда хусусий электр энергияси чакана савдо корхоналари ташкил этилади.

Президент, шунингдек, соҳа корхоналарининг операцион харажатларини оптималлаштириш, электр тармоқларини модернизация қилиш, ислоҳотларни амалга ошириш учун зарур бўлган юқори малакали кадрлар тайёрлаш дастурини ишлаб чиқиш бўйича чора-тадбирлар кўриш бўйича топшириқлар берди.

                                                                                                                                                                                                                                                                                                                           Manba:Uzdaily.uz