×

Версия для слабовидящих

Call-center
+998 (71) 202-02-10

“Deloitte & Touche CIS”нинг Япониядаги мижозлар билан ишлаш гуруҳи директори Ватару Такахаси билан учрашув бўлиб ўтди

Жорий йилнинг 19 декабрь куни Хорижий инвестицияларни жалб этиш агентлигида “Deloitte & Touche CIS”нинг Япониядаги мижозлар билан ишлаш гуруҳи директори Ватару Такахаси билан учрашув ўтказилиб, икки томонлама ҳамкорликни кенгайтириш имкониятлари муҳокама қилинди.

Учрашув давомида томонлар ўзаро ҳамкорликни кенгайтириш учун кенг имкониятлар мавжудлиги, бунда Агентлик Ўзбекистонга инвестиция киритаётган Япониялик инвесторларга ҳар томонлама кўмаклашиш, уларни Ўзбекистоннинг инвестицион жозибадорлигини, инвесторлар учун яратилаётган имкониятлар тўғрисидаги маълумотлар билан ҳамда инвесторлар ва давлат идоралари ўртасида ўзаро ҳамкорлигини қўллаб-қувватлашини таъкидладилар.

Шунингдек, Ватару Такахаси инвесторларга Ўзбекистонда олиб борилаётган кенг кўламдаги ислоҳотлар Японияда Ўзбекистонга инвестиция киритишга бўлган қизиқишнинг ошиб бораётганини таъкидлаб, инвесторлар томонидан логистика, фармацевтика, автомобилсозлик ва кимёсаноатига катта қизиқиш билдираётганликлари, бу борада Агентлик билан ҳамкорлик қилиш жуда муҳимлигини билдирди.

Шу ўринда, икки томон Ўзбекистонга сармоя киритаётган Япониялик инвесторларга доимий кўмаклашиш мақсадида икки томонлама масъул вакиллар бириктирилишига келишилди.