×

Версия для слабовидящих

Call-center
+998 (71) 202-02-10

Монополияга қарши курашиш қўмитаси 1 трлн сўмлик битимларга розилик берди

Монополияга қарши курашиш қўмитаси 1 трлн сўмлик улушни сотиб олиш битимларига розилик берди. Булар орасидан Сингапурнинг «ANGLESEY INVESTMENT PTE. LTD.» томонидан «ANGLESEY FOOD» МЧЖ ҚК (korzinka.uz бренди остидаги супермаркетлар) устав капиталидаги 100 фоиз улушини қўлга киритиш ҳам ўрин олган.

2020 йил 1 июл ҳолатига кўра Монополияга қарши курашиш қўмитаси ва унинг ҳудудий бошқармаларига бозор концентрациясияга розилик бериш бўйича 64 та мурожаат келиб тушди. Шундан 14 таси хўжалик юритувчи субъектларни бирлаштириш ва 50 таси устав фондидаги (капиталидаги) улушларни (акцияларни) олишга доир мурожаатлар ҳамда улардан 18 таси хорижий инвесторларга тегишлидир.

Қўмитага биринчи ярим йиллик давомида келиб тушган барча мурожаатлар таҳлил қилинди. Битимларнинг умумий қиймати 1,013 трлн. сўмни ташкил қилди. Уларнинг 47,3 фоизи ёки 479 млрд. сўмлик битимлар хорижий инвесторлар ҳиссасига тўғри келади.
Тўғридан-тўғри инвестициялар ёки технологиялар сифатидаги хорижий капитални асосан тўқимачилик, фармацевтика, ахборот, электротехника, қурилиш, озиқ-овқат каби соҳаларга йўналтириш кўзда тутилган.

Монополияга қарши кураш органи томонидан маъқулланган йилнинг биринчи ярмида амалга оширилган битимларга қуйидагиларни мисол келтириш мумкин:
– «Моторная компания «Астана-Моторс» (Қозоғистон) МЧШ томонидан «HYUNDAI AUTO ASIA» МЧЖ ҚК нинг устав фондидаги 70 фоиз улуши олди. «Астана-Моторс» нинг асосий фаолият турлари автомобиллар савдоси ва хизмат кўрсатишдан иборат;
– «ANGLESEY INVESTMENT PTE. LTD.» (Сингапур) томонидан «ANGLESEY FOOD» МЧЖ ХКнинг устав фондидаги 100 фоизлик улушининг олди. «ANGLESEY FOOD» МЧЖ ХК фаолияти ихтисослашган дўконларда (korzinka.uz бренди остидаги супермаркетлар) товарлар чакана савдоси билан шуғулланишдан иборат.
– «АГРОМИР БУХАРА» МЧЖ ҚК ва «АГРОМИР ЧУСТ» МЧЖ ҚКнинг «АГРОМИР» МЧЖ ҚКга қўшилди. «Агромир» компаниялари гуруҳига кирувчи корхоналар Бухоро, Наманган ва Самарқанд вилоятларида жойлашган бўлиб, улар мева ва сабзавотлардан шарбатлар ишлаб чиқаради.