КИМЁ ВА ГАЗ-КИМЁ САНОАТИДА ЎЗБEКИСТОН-ХИТОЙ СТРАТEГИК ҲАМКОРЛИГИНИ РИВОЖЛАНТИРИШ ТЎҒРИСИДА БИТИМ ИМЗОЛАНДИ

Ўзбекистон Республикаси Бош вазирининг ўринбосари – Энергетика вазири Ж.Мирзамаҳмудов ва Хитой Халқ Республикасининг кимё-муҳандислик миллий корпорацияси президенти Вен Ган бошчилигидаги делегация аъзолари билан учрашув бўлиб ўтди.

Музокаралар давомида Ўзбекистон Республикаси ва Хитой Халқ Республикаси ўртасида кимё ва газ-кимё саноати соҳасидаги ўзаро ҳамкорлик кўлами йилдан-йилга сезиларли даражада ошиб бораётгани ва бу борада айниқса, Кимё-муҳандислик миллий корпорациясининг (CНCEC) ўрни катта эканлиги алоҳида қайд этилди.

“Мен сўнгги ўн йил ичида биринчи марта Ўзбекистонга ташриф буюрдим ва кўриб турибманки, Ўзбекистон барча соҳаларда сезиларли даражада тараққий этганига гувоҳ бўлдим. Ишончим комилки, ҳамкорлигимиз келажакда янада ривожланади”, – деди, корпорация президенти Вен Ган.

Мулоқот чоғида икки мамлакат кимё ва газ-кимё саноатини янада ривожлантириш масалалари ва истиқболли йўналишларнинг кейинги босқичлари муҳокама қилинди. Шундан сўнг томонлар икки мамлакат ўртасида кимё ва газ-кимё саноатида стратегик ҳамкорликни янада ривожлантириш тўғрисидаги битимни имзоладилар.

Ҳозирги кунда CНCECнинг “Чина Натионал Чемиcал Энгинееринг Но. 7 Cонструcтион Cо., Лтд.” компанияси томонидан кимё ва газ-кимё саноатининг “Аммиак ва карбамид ишлаб чиқаришни ташкил этиш”, “Метанолни полипропиленга (МТР) қайта ишлаш мажмуаси қурилиши”, “Метанолни олефинларга (МТО) қайта ишлаш мажмуасини қуриш”, “Полибутиленадипаттерефталат (ПБАТ) ишлаб чиқаришни ташкил этиш” каби ана шундай йирик лойиҳалар ишлаб чиқилмоқда.

Бундан ташқари, хорижий томон оқова сувларни тозалаш иншоотлари ва инфратузилмасини қуриш, автомобил йўллари қуриш, шунингдек, кам углеродли ривожланиш ва қайта тикланувчи яшил энергия манбалари лойиҳаларини амалга оширишда иштирок этишдан манфаатдор эканлигини билдирди.

 

Манба: minenergy.uz