JHK Pharma (Pvt) Ltd kompaniyasi o‘z mahsulotlarini O‘zbekistonda ishlab chiqarishni rejalashtirmoqda

Muloqot davomida tadbirkorlar “Parket-Pharm” va “Bostonlik-Pharm” erkin iqtisodiy zonalarida farmatsevtika mahsulotlarini ishlab chiqarishni rejalashtirayotganlarini bildirishdi. Shuningdek, Investorlar O‘zbekistondagi qulay investitsiya muhiti, tabiiy resurslarga, inson resurslariga boy va investorlar uchun yaratilgan shart-sharoitlar sababli sarmoya kiritish uchun munosib davlat ekanligini ta’kidladilar.

Agentlik, o‘z navbatida, investorlarga berilayotgan imtiyozlar haqida ma’lumot berdi, “Parket-Pharm” va “Bostonlik-Pharm” direksiyalari bilan uchrashuv tashkil etishda koʻmaklashdi.

Agentlik JHK Pharma (Pvt) Ltd kompaniyasi vakillariga O‘zbekistonda farmatsevtika sanoatida mahsulot ishlab chiqarishni yoʻlga qoʻyish uchun hamrohlik qilishga tayyorligini ma’lum qildi.