Табиий ҳудуди

Марказий Осиёнинг саҳро ҳудудида жойлашган Қорақалпоғистон табиати кескин континентал саҳро иқлими билан белгиланади, ёғингарчилик миқдори жудам кам ҳамда тез буғланади. Ҳудуднинг аксарият қисмини Устюрт платоси ва Қизилқум саҳроси эгаллайди. Улар ўртасида қуриб бораётган Орол денгизи ва Амударё ўзани мавжуд, ўз навбатида уларни яна бир (янги) саҳро Оролқум ажратиб туради.
Қорақалпоғистонда иқлим кескин континентал, ёзи қуруқ ва иссиқ, қиши совуқ. Январда ўртача ҳарорат –5 дан –8 С гача. Қишда минимал ҳарорат –38 С. Июнда ўртача ҳарорат +26 дан +28 С га, июль ва августда эса - +50 С га етади. Ўртача ёғингарчилик миқдори йилига 100 мм ни ташкил этади.
Устюрт платоси баландлиги 300 м гача (ўртача баландликлар - 100-200 м) бўлган узлуксиз тепаликдаги текисликлар бўлиб, 292 м гача юқорилайди (Оқтумшуқ, Қорабайир) ҳамда қатор чуқурликларга эга. Уларнинг энг йирик чуқурликлари Борсакелмас (- 50 м) ва Ассаке-Аудан (- 29 м). Плато Орол денгизи ва Амударё ўзанига келиб йирик камар (чинклар) билан узилади. Ўртача йиллик ёғингарчилик миқдори 100 мм. Яккаю ягона сув таъминоти манбаи - 6-20 м чуқурликда оқувчи ерости сувлари. Ўсимлик қопламасининг тақсимланишида тупроқ турига боғлиқлик ёрқин кўзга ташланади. Масалан, жусан-боялиш уюшмалари одатда шўрланмаган тупроқларда, биюрғунниклар - шўрланган, жусан ҳамда кейреук ва биюрғун - кам шўрланган тупроқларда, саксовул эса - суст ривожланган майда чуқур қумларда ўсади.

Ер ресурслари

Фермер хўжаликларининг қишлоқ хўжаликлари майдони жами 44,8 минг гектар. Шундан суғориладиган қишлоқ хўжалиги майдонлари 30,8 минг гектар.

Сув ресурслари 

Республика Амударё сув ресурсларидан фойдаланади. Фойдаланишдаги сув ресурсларининг ўртача ҳажми йилига 6,8 млрд. м3.
Республика ҳудудида 1 та сунъий сув омбори мавжуд.

Ҳудуднинг инвестицион салоҳияти