×

Версия для слабовидящих

Call-center
+998 (71) 202-02-10

Франциянинг Rungis Semmaris компанияси кўмагида Ўзбекистоннинг саккиз вилоятида агрологистика марказлари яратилади

Декабр ойининг биринчи ўн кунлигида Ўзбекистоннинг Франциядаги элчихонаси ва Франциянинг Ўзбекистондаги элчихонаси кўмагида Ўзбекистон Қишлоқ хўжалиги вазирлиги ва Франциянинг Rungis Semmaris (Ранжис Саммарис) компанияси ўртасида онлайн тарзда дастлабки келишув имзоланди.

Rungis Semmaris компаниясининг иштироки билан Қишлоқ хўжалиги вазирлиги Ўзбекистонда ва Марказий Осиёда ягона бўлган, юқори халқаро стандартларга мувофиқ саккизта йирик агрологистика марказлар тармоғини яратиш ва бошқариш лойиҳаси амалга оширишни режалаштирмоқда.

“Ушбу улкан агрологистика марказлари йирик шаҳарларнинг чеккаларида қурилади – уларнинг умумий майдони қарийб 200 гектарни ташкил этади, умумий қуввати эса йилига 3 миллион тоннадан ортиқ бўлиши кутилмоқда. Энг йирик Тошкент агрологистика маркази 70-100 гектар майдонни эгаллайди, энг ихчами эса Хоразмда бўлади, аммо унинг 10 гектар майдонни эгаллаган хажми ҳам катта таассурот қолдиради

Агро марказларнинг асосий мақсади мамлакатнинг экспорт салоҳиятини ривожлантириш, қишлоқ хўжалиги маҳсулотларини ташқи бозорга чиқиш учун тайёрлаш жараёнини халқаро даражага етказишдир”, – Ҳар бир агрологистика марказида барча зарур объектлар жамланади булар: кросс-доклар, савдо павильонлари, меҳмонхоналар, тижорат банклари ҳамда ҳизматлар: саралаш, калибрлаш, қуритиш, қайта ишлаш, сақлаш, ташиш, етказиб бериш, божхона расмийлаштируви, карантин, озиқ-овқат хавфсизлигини сертификатлаш, мутахассислар маслаҳатлари бошқалар жамланади.

Дастлабки ҳисоб-китобларга кўра саккизта агрологистика марказлари базасида қарийб 10 мингга яқин янги иш ўринлари яратилади.

Rungis Semmarisнинг Ўзбекистондаги замонавий агрологистика марказларни қуришда кўрсатадиган ёрдами бизнинг қишлоқ хўжалигимизда янги имкониятлар, йўналишлар ва ҳаттоки янги касбларни яратишга ёрдам беради

Rungis Semmaris компанияси Париж чеккасидаги йиллик айланмаси 9 миллиард евро бўлган дунёдаги энг йирик озиқ-овқат ва логистика марказига эгалик қилади ҳамда бутун дунё бўйлаб озиқ-овқат маҳсулотларининг улгуржи бозорларини қуриш ва ташкил этиш бўйича етакчи тажрибага эга.

https://agro.uz/