2021-йилда Ўзбекистонга қайси давлатлар ва қанча сармоя киритилди

Хитой 2,2 миллиард доллар билан етакчи, Россия бироз камроқ – 2,1 миллиард доллар.

Стратегик ривожланиш агентлиги раҳбари ўринбосари Алексей Сим 2021-йил учун инвестиция статистикасини келтирди. Суҳбатдош бу маълумотларни «Иқтисодий шарҳ» нашрига берган интервюсида айтиб ўтди.

Ўтган йил якунларига кўра, Ўзбекистонга 11,1 миллиард доллар хорижий инвестициялар ўзлаштирилди, бу йиллик прогнознинг 113 фоизини ташкил этади. Асосий капиталга йўналтирилган инвестициялар 9,8 миллиард долларни ташкил этиб, 2020-йилга нисбатан 110 фоизга ўсганини кўрсатди .

9 миллиард доллар тўғридан -тўғри хорижий инвестициялар ва кредитлар ўзлаштирилди, бу прогнозга нисбатан 117 фоизни ташкил этди. Бу ерда асосий капиталга йўналтирилган инвестициялар 2020-йилга нисбатан 124 фоиз ўсиш суръати билан 8,2 миллиард долларга етди .

Халқаро молия институтлари ва хорижий давлат молия ташкилотлари томонидан мамлакатимизга 2,1 миллиард доллар ажратилди , бу эса йиллик прогноз 100 фоизга бажарилганлигини англатади .

Тўғридан-тўғри хорижий инвестициялар ва кредитлар ҳисобидан саноат корхоналари томонидан 3,8 миллиард доллар ( прогнозга нисбатан 103 фоиз) ўзлаштирилди. Минтақавий лойиҳалар бўйича бу кўрсаткич 5,2 миллиард долларга етди ёки прогнознинг 130 фоизини ташкил этди.

Инвестициялар ҳажми бўйича етакчи тармоқлар энергетика, металлургия, кимё саноати , электротехника, ахборот технологиялари, қурилиш, фармацевтика, енгил саноат, қишлоқ хўжалиги ва бошқалардир.

Ўзбекистон иқтисодиётига жами 50 дан ортиқ давлат сармоя киритади. Энг сармоядор давлатлар бешлигига қуйидагилар киради:

1. Хитой – 2,2 миллиард доллар;
2. Россия — 2,1 миллиард доллар;
3. Туркия — 1,18 миллиард доллар;
4. Германия – 800,7 миллион доллар;
5. Жанубий Корея – 137,4 миллион доллар

 

 

Манба: www.spot.uz