Ўзбекистон энг арзон электр энергияси бўйича 10 та давлат қаторига кирди

Ўзбекистон аҳоли учун энг арзон электр энергияси бўйича жаҳон рейтингида еттинчи ўринни эгаллади.Ушбу маълумотлар Британия эксперт портали Cable.co.uk томонидан тақдим этилган. Ресурс мутахассислари 230 мамлакатда электр энергияси нархларини таҳлил қилишди. Маълум бўлишича, энг арзон энергия манбалари Шимолий Африка, Саҳрои Кабир, Жанубий Африка ва собиқ СССРда жойлашган.
Марказий Осиё минтақасида Қирғизистон етакчилик қилмоқда: жаҳон рейтингида 4-ўринда, фуқаролари бир киловатт-соат электр энергияси учун 0,017 доллар тўлайди.
Ўзбекистон Тожикистондан бир қадам олдинда: у 6-ўринда, бир киловатт/соат нархи 0,023 долларни ташкил этади.
Республиканинг ўзида аҳоли учун электр энергияси 0,027 доллар туради. Бу жаҳон рейтингида 16-ўринни эгаллаган Қозоғистондан (0,039 доллар) арзонроқ.
Шу билан бирга, дунёдаги энг қиммат электр энергияси Кариб денгизи, Тинч океанининг олис орол штатларида, шунингдек, Германия ва Сомалида жойлашган: бу штатлар аҳолиси бир киловатт-соат учун 0,30 дан 0,69 долларгача тўлашлари керак.
Айни пайтда Ўзбекистон Республикасида энергетика саноатини кенг кўламли модернизация қилиш ишлари олиб борилмоқда . Аввалроқ Энергетика вазирлиги соҳадаги 10 та йирик лойиҳа ҳақида маълумот берган эди.
Ой бошида мамлакат ҳукумати умумий қуввати 740 мегаватт бўлган 20 дан ортиқ ГEС ва умумий қуввати 5 мегаваттгача бўлган мини-ГEСларни қуриш ниятида эканлигини маълум қилган эди.
Аввалроқ Тошкент вилоятида Пскем ГEСи қурилиши бошланган эди. Унинг қуввати 400 МВт, ишлаб чиқариш қуввати эса йилига 950 миллион кВт/соат электр энергиясини ташкил қилади. Ушбу обектни қуриш учун Россиянинг ВEБ.РФ давлат корпорацияси 75 миллион доллар кредит ажратди. Лойиҳага 788 миллион доллар сарфлаш режалаштирилган.
2030-йилгача Ўзбекистонда Россия технологиялари ёрдамида қуриладиган биринчи атом электр станциясини ишга тушириш режалаштирилган. Мамлакатлар ушбу келишувни 2018-йил сентябрь ойида имзолаган эди.
Қурилиш Россия ҳукумати кредити ҳисобидан 2022-йилда бошланиши режалаштирилган.

uz.sputniknews.ru