×

Версия для слабовидящих

Call-center
+998 (71) 202-02-10

Astana Motors раҳбари Ўзбекистон автомобиль бозорини «қулай» деб атади

Astana Motors раҳбари Нурлан Смагулов Ўзбекистон автомобиль бозорини баҳолади. Бу ҳақда Forbes Kazakstan’да эълон қилинган

«Бу жуда қизиқ бозор, биз у ерда ўзимизни қулай ҳис қиламиз. У ернинг ўз қонунлари ва ўз ишлаб чиқарувчиларининг ҳимояси бор. Маҳаллий ишлаб чиқарувчилар билан интеграция масалаларини муҳокама қиляпмиз», — дейди Смагулов.

Ҳозирда Astana Motors’нинг мамлакатда тўққизта дилери бор — тўрттаси хусусий ва бештаси мустақил. Компания Тошкент, Бухоро, Самарқанд, Наманган ва Фарғонада иш олиб бормоқда.

Бу йил яна тўртта дилер қўшилади — битта хусусий ва учта мустақил. Astana Motors’нинг хусусий автомарказлари Тошкентда жойлашган, қолган шаҳарлардагилари мустақил: бу — компаниянинг маҳаллий тадбиркорларнинг салоҳиятига сармоя киритмоқчи бўлган ташкилотнинг махсус сиёсати ҳисобланади.

Шунингдек, Astana Motors’нинг маълум қилишича, компания маҳаллий ишлаб чиқарувчилар билан ҳамкорлик қилиш имкониятини кўриб чиқмоқда. 2020 йилда Қозоғистон компанияси Ўзбекистонга 3,5 мингта автомобиль экспорт қилган. Жорий йилдаги режа — 20 минг автомобилни Қозоғистон бозорига етказиш ва 10 мингтасини экспорт қилиш, жумладан, Ўзбекистонга ҳам.

Hyundai Auto Asia’нинг биринчи дилерлик автомаркази Тошкентда 2019 йилнинг январида очилган эди. Ўша йилнинг ўзида компания мамлакат бўйлаб 244 та Hyundai автомобилларин сотган.

https://www.spot.uz/