×

Версия для слабовидящих

Call-center
+998 (71) 202-02-10

Хорижий инвестицияларни жалб этиш агентлигида Уммон Султонлигидан «Arkan Majan al Mumayaza Trading & Contracting LLC» ва «Al Hamdani Group» ташкилотларнинг раҳбарияти билан учрашуви бўлиб ўтди

2019 йил 11 сентябрь куни Ўзбекистон Республикаси Инвестициялар ва ташқи савдо вазирлиги ҳузуридаги Хорижий инвестицияларни жалб этиш агентлиги Уммон компаниясининг «Arkan Majan Al Mumayaza Trading & Contracting LLC» бошқарувчи директори ва раиси Мустафо Али Мухтор ал-Лавати ва Абдулла Муборак Саид ал-Ҳамдани билан учрашув бўлиб ўтди.

Учрашувда Ўзбекистон томонидан Хорижий инвестицияларни жалб этиш агентлиги директорининг биринчи ўринбосари Улуғбек Абруев ва Инвестиция лойиҳаларини ишлаб чиқиш маркази директорининг ўринбосари Мурод Мирзаев иштирок этди.

Учрашув давомида Мубарак Саид ал-Ҳамдани Ўзбекистон Республикасининг Уммон Султонлигидаги элчихонаси билан фаол ҳамкорлик туфайли компания мамлакат бозорига муваффақиятли кириб келганини таъкидлади. Жорий йилнинг июн ойида Наманганда бўлиб ўтган инвестицион форумда қатнашиш доирасида қишлоқ хўжалигидаги лойиҳаларни амалга ошириш, шунингдек, меҳмонхона мажмуаси ва савдо марказини қуриш тўғрисида келишувга Ҳозирги вақтда режалаштирилган объектларни қуриш билан шуғулланадиган янги қўшма корхона ташкил этиш учун барча рухсат бериш тартиблари бартараф этилган ва Чортоқ туманида Уммон компанияси иштирокидаги паррандачилик фермаси ишга туширилди. Белгилаб ўтамиз, маҳаллий органлар томонидан лойиҳаларни амалга оширишда кенг амалий ёрдам берилмоқда.

Уммон компанияси давлат-хусусий шерикчилик доирасида ҳам ҳамкорлигини кенгайтиришга тайёрлигини билдирди.

Муборак Саид ал-Ҳамдани ДХШ форматида ишлаб чиқилган лойиҳалар билан танишишни истадигини билдирди. Бу ҳамкорликни ривожлантиришда янги босқич бўлиб, иқтисодий ривожланиш ва аҳолининг турмуш сифатини яхшилашга ижобий таъсир кўрсатиши мумкин.

Савдо алоқаларини йўлга қўйиш соҳасида компания раҳбарлари Чортоқ конидан (Наманган вилояти) минерал сувлар ва меваларни Уммон Султонлиги ҳудудига экспорт қилишга катта қизиқиш билдирдилар.

Учрашув якунида Агентлик томондан Уммон компанияси вакилларига Ўзбекистон Республикасига келгани учун миннатдорчилик билдирди ва шунингдек, батафсил маълумот Ўзбекистон инвестиция порталида – инвест.гов.уз да тақдим этилган ва унда амалга ошириш учун тайёр бўлган инвестиция таклифлари эълон қилинган.

 

Хорижий инвеститсияларни жалб
қилиш агентлигининг маркетинг,
ахборот кампаниялари,
ПР ва нашрлари бўлими