Ўзбекистон “Бизнес юритиш” рейтингидаги ҳолатини яхшилади

Жаҳон банкининг « Doing Business » 2020 янги ҳар йиллик ҳисоботиди Ўзбекистон 7 ўрин юқорига кўтарилиб дунёнинг 190 мамлакати орасида             69-ўринни эгаллади. Бу бизнинг мамлакатимизга ишбилармонлик муҳитини яхшилашда энг катта ютуқларга эришган 20 та мамлакат қаторига кириш имконини берди.

Бизнесни юритиш қулайлигини баҳолашнинг ўнта мезонидан тўққизтасида Ўзбекистон ўтган йилгига нисбатан юқорилади. Ўзбекистон халқаро савдо ва инвесторларнинг ҳимояси бўйича энг яхши ўсишга эришди.

Умумий рейтингида Ўзбекистон қуйидаги 5 йўналиш бўйича юқорилади:

✓Бизнесни бошлаш (4 поғона)

Давлат хизматларини кўрсатиш марказлари орқали компанияларни рўйхатдан ўтказиш тизимини жорий этиш ва кичик корхоналар учун босма нашрга бўлган талабни бекор қилиш орқали бизнесни бошлаш учун сарф-харажатлар ва вақтни қисқартириш

✓Қурилиш учун рухсат олиш (2 поғона)

Алоқа ва бошқа рухсатномаларга уланиш учун техник шартларни олиш нархини пасайтириш

✓Инвесторларни ҳуқуқларини ҳимоя қилиш (27 поғона)

Асосий корпоратив қарорларни қабул қилишда акциядорларнинг ҳуқуқлари ва ролини кенгайтириш, мулкчилик ва бошқарув тузилмаларини белгилаш ва корпоратив шаффофликни талаб қилиш орқали миноритар инвесторларнинг ҳимоясини кучайтириш

✓Ташқи савдо (13 поғона)

Ҳавфларни баҳолаш ва импорт ҳужжатларига талабларни соддалаштириш асосида божхона текшируви механизмини жорий этиш орқали ташқи савдо тартиб-қоидаларини соддалаштириш

✓Шартномаларнинг бажарилиши (19 поғона)

Ихтиёрий медиация тўғрисида ягона қонун қабул қилиниши орқали шартномани бажаришни соддалаштириш, шунингдек, низоларни медиация орқали ҳал қилишда тарафларни рағбатлантириш ва маҳаллий тижорат судларида натижаларни баҳолаш ҳисоботларини нашр этиш.

Изоҳ берганда, Doing Business ҳисоботи 17-марта тайёрланмоқда.

Бу йил бизнесни юритиш учун энг қулай шарт-шароитларни яратиш бўйича дунё рейтингида Янги Зеландия пешқадамликни сақлаб қолди, Сингапур иккинчи ўринни эгаллади. Гонконг учинчи ўринни, Дания тўртинчи поғона эгаллади. Кейинги ўринларда Жанубий Корея, АҚШ, Грузия, Буюк Британия, Норвегия ва Швеция эгаллаган. Россия Федерацияси 28-ўринни, Қозоғистон эса 25-ўринларга жойлашган.

Ҳисобот билан қуйидаги ҳаволада танишишингиз мумкин: https://www.doingbusiness.org/