×

Версия для слабовидящих

Call-center
+998 (71) 202-02-10

Ҳамкорлик ва тадқиқотлар форуми ҳақида: Агентликда «Eurasia House – Ambrosetti» вакиллари билан учрашув ўтказилди

Шу йилнинг 19 сентябр куни Хорижий инвестийияларни жалб этиш агентлигида “Eurasia house – Ambrosetti” консалтинг компаниясининг Марказий Осиё бўйича директори Лука миралля билан учашув бўлиб ўтди.

Меҳмонларга Агентлик фаолияти тўғрисида, шунингдек, хорижий инвесторларга инвестиция лойиҳаларини амалга оширишда кенг кўламда кўмаклашиш бўйича берилган стратегик вазифалар тўғрисида маълумот тақдим этилди.

Учрашув иштирокчиларига бўлажак инвестиция форумлари ҳақида маълумот берилди. «Eurasia House – Ambrosetti» консалтинг компанияси вакиллари ушбу тадбирларга иштирок этишга қизиқиш билдирдилар.

Италия компанияси ўз фаолиятини ҳақида гапириб,  дунёдаги ўхшаш институтлар ва потенциал хорижий сармоядорлар билан альянслар ташкил этиш ва шериклик муносабатларини ўрнатаётганлигини таъкидлади. «Eurasia House – Ambrosetti»  таҳлилий маркази Европадаги энг яхши ўнталик рўйхатига ва дунёдаги энг яхши таҳлил марказларининг биринчи юзталик рўйхатига киради.

Меҳмон вакиллар  Агентлик раҳбариятини жорий йилнинг ноябрь ойида Италияда бўлиб ўтадиган форумда иштирок этишга таклиф қилди. Лука Мираллянинг таъкидлашича, бўлажак тадбир юқори даражадаги учрашувлар учун майдон бўлиб, инвестицияларни жалб қилиш ва савдони рағбатлантиришга ёрдам беради.

Шунингдек, учрашув доирасида “ Why invest in Uzbekistan?” тақдимоти намойиш этилди, унда иқтисодий ривожланишнинг ҳозирги ҳолати, мавжуд инвестиция ва савдо-иқтисодий салоҳият ҳамда мамлакатда амалга оширилаётган ислоҳотлар ҳақида батафсил маълумотлар тақдим этилди. Италияликлар ушбу маълумотлар нафақат италиялик инвесторларда, балки Европа ишбилармон доиралари вакилларида ҳам катта қизиқиш уйғотишини таъкидлади. Ҳозирги вақтда Европа Иттифоқи давлатлари мамлакатимизда рўй бераётган ўзгаришлар, ижтимоий-иқтисодий ҳаётдаги муҳим воқеалар тўғрисида жуда кам маълумотга эга.

 

Хорижий инвеститсияларни жалб қилиш агентлигининг маркетинг,

ахборот кампаниялари, ПР ва нашрлари бўлими