Ўзбекистон элчихонасида хиндистон томонига салоҳиятли инвестицион лойиҳалар тақдим этилди
Республикамиз ҳудудларининг иқтисодий салоҳиятини юксалтириш, экспортга кўмаклашиш йўналишидаги амалий ишлар доирасида мамлакатимизнинг Деҳли шаҳридаги элчихонасида Ҳиндистоннинг “Ishan Group” компанияси раҳбари Ракеш Шарма билан учрашув ташкил этилди
Тадбирда ҳинд тадбиркорига Ўзбекистон ҳудудларидаги турли тармоқларга оид лойиҳавий таклифлар тақдим этилди. Шу жумладан, Қорақалпоғистон Республикаси, Хоразм ва Қашқадарё вилоятларидаги мавжуд имкониятлар муҳокама қилинди.
Ўз навбатида, Р.Шарма 2020 йил декабрь ойида Қорақалпоғистон Республикаси ва Хоразм вилоятига ташрифи натижалари ҳақида тўхталиб, эришилган бирламчи келишувлар тўғрисида маълумот берди. Хусусан, ташриф якунлари бўйича ҳиндистонлик инвестор иштирокида Қорақалпоғистоннинг Кегейли ва Тўрткўл туманларида қизилмия илдизини қайта ишлаш ва замонавий тўқимачилик корхонасини ташкил этиш имкониятлари ўрганилмоқда.
Мазкур келишувлар бўйича амалий қадамларни жадаллаштириш мақсадида жорий йил февраль ойида “Ishan Group” компанияси вакилларининг Ўзбекистонга ташрифи ташкил этилади.
Другие новости и события
Алоқа учун маълумотлар
100060, Ўзбекистон, Тошкент, Тарас Шевченко кўчаси, 34
+998 (71) 202-02-10
Invest.gov.uz инвестицион порталининг ҳар қандай материаллари (такрор ишлаб чиқариш, нашр этиш, нусха олиш, қайта чоп этиш, тарқатиш, таржима қилиш, телекўрсатув, қайта ишлаш ва бошқа тарқатиш усуллари) - биринчи манба ва порталнинг ҳаволаси кўрсатилмаган ҳолда ишлатилиши қатъиян тақиқланади!