×

Версия для слабовидящих

Call-center
+998 (71) 202-02-10

Наманганда Чанган кичик юк автомобиллари ишлаб чиқарилади

Чуст туманида жойлашган «Наманган» эркин иқтисодий зонасида Хитойнинг Changan бренди остида кичик юк автомобиллари ишлаб чиқариш лойиҳаси бошланди.

Хитойнинг Changan русумли юк машиналари ишлаб чиқарилиши чет элда ватандошлар лойиҳаси доирасида амалга оширилмоқда. Бугун БААда истиқомат қилувчи наманганлик тадбиркор Жобирхон Хомидов ушбу лойиҳага 800 000 АҚШ доллари миқдорида маблағ сарфлади.

Namangan Сhangan Motors» МЧЖ томонидан лойиҳанинг биринчи босқичида йилига 1800 та 1−1,5 тонна юк кўтарадиган 4 хил русумдаги автомобиллар ишлаб чиқарилади ва 120 киши иш билан таминланади. Кейинги 3 йил давомида маҳаллийлаштиришни 50 фоизгача етказиш ва маҳсулотнинг учдан бир қисмини БАА ҳамда Марказий Осиё давлатларига экспорт қилиш кўзда тутилган. 

«Namangan Сhangan Motors» томонидан ишлаб чиқариладиган автомобилларга ҳозирнинг ўзида талаб ва харидорлар етарли эканлиги кишини қувонтиради. Келгусида бу ерда эҳтиёт қисмлар тайёрланадиган бошқа корхоналар ҳам пайдо бўлиши ва яхлит мажмуа юзага келиши айни муддао бўлади», — дейди Наманган вилояти ҳокими Хайрулло Бозоров.

https://review.uz/ru/post/v-namangane-nachat-vpusk-mini-gruzovikov-pod-kitayskim-brendom-shangan