27 октябр куни Ўзбекистон Республикасининг Сингапурдаги элчихонаси кўмаги билан Тошкент вилояти ҳокими Рустам Холматов ва Сингапурнинг «Universal Success Enterprises Limited» компанияси раиси Прасун Мукержи пойтахт вилоятида «Нурафшон сити» қурилиш лойиҳасини амалга ошириш бўйича ҳамкорлик тўғрисида Бош келишувни онлайн тарзда имзолади.
Ҳужжат Сингапур компанияси томонидан ўзбекистонлик ҳамкорлар билан биргаликда 2021 йил иккинчи чорагига қадар лойиҳанинг техник-иқтисодий асосини ишлаб чиқиш, кейинчалик тасдиқлаш ва замонавий Нурафшон шаҳри қурилишининг бошланишини назарда тутади. Лойиҳанинг умумий майдони тахминан 2 минг 833 гектарни ташкил этади ва у уч босқичда амалга оширилади.
Лойиҳани «Universal Success Enterprises Limited» ёки ушбу компания томонидан ташкил этилган хорижий компаниялар консорциуми томонидан жалб қилинган тўғридан-тўғри хорижий инвестициялар ёки хорижий молия институтларининг кредит линиялари асосида амалга ошириш кўзда тутилган. Инвестицияларнинг умумий ҳажми лойиҳанинг техник-иқтисодий асосларини тайёрлаш натижаларига кўра аниқланади.
Шуни таъкидлаш керакки, Тошкент вилоятининг маъмурий марказини ягона рақамли муҳитни шакллантириш орқали шаҳар бошқаруви самарадорлиги олиб бориладиган «Ақлли шаҳар» технологияларини жорий этиш концепциясини амалга ошириш бўйича тажриба майдонларидан бири сифатида аниқлаш режалаштирилган эди.
Другие новости и события
Invest.gov.uz инвестицион порталининг ҳар қандай материаллари (такрор ишлаб чиқариш, нашр этиш, нусха олиш, қайта чоп этиш, тарқатиш, таржима қилиш, телекўрсатув, қайта ишлаш ва бошқа тарқатиш усуллари) - биринчи манба ва порталнинг ҳаволаси кўрсатилмаган ҳолда ишлатилиши қатъиян тақиқланади!