Сингапур компанияси «ONE PETRA HOLDINGS PTE LTD» билан учрашув ташкил этилди

3 март куни Хорижий инвестицияларни жалб этиш агентлигида бош директор Деннис Лок бошчилигидаги сингапурлик «ONE PETRA HOLDINGS PTE LTD» компанияси вакиллари билан учрашув ташкил этилди.

Учрашувни очиб берар экан, Хорижий инвестицияларни жалб этиш агентлиги директорининг ўринбосари Ойбек Элмуратов чет эл делегациясини Агентлик фаолияти ва хорижий инвесторларга зарур ахборот ва ҳуқуқий ёрдам бериш борасидаги вазифалари билан таништирди.

Музокаралар чоғида Сингапур компанияси вакиллари уларнинг мамлакатга ташрифи Ўзбекистон Республикасининг Сингапурдаги элчисининг ёрдами билан Ўзбекистонда чиқиндиларни бошқаришнинг инновацион тизими билан таништириш мақсадида ташкил этилганлигини таъкидладилар.

Бош директор Деннис Лок компания Ўзбекистонда чиқиндиларни қайта ишлашни бошқариш концепцияси амалга оширишдан манфаатдор эканлигини таъкидлади.  У аҳолининг кўпайиши ва полигонлар учун ажратиладиган эрларнинг этишмаслиги билан боғлиқ чиқиндиларни қайта ишлаш ва йўқ қилиш бўйича Сингапур тажрибаси билан ўртоқлашди.

Озиқ-овқат чиқиндиларини қайта ишлашга ва кейинчалик унинг асосида органик ўғитлар яратишга ихтисослашган «One Petra Holdings Pte Ltd» компанияси маиший чиқиндиларни бошқариш бўйича Сингапур давлат дастурига фаол киритилган. Компания вакиллари ташриф муваффақиятли амалга оширилгани ҳақида ҳам гапиришди.

Самарқанд шаҳрида ва Самарқанд вилояти ҳокимлигида уюштирилган йиғилиш бўлиб ўтди.  Музокаралар давомида Сингапур компаниясининг туризм соҳасидаги лойиҳаларда иштирок этиши мумкинлиги муҳокама қилинди.

Компания меҳмонхоналар ва турар-жой комплекслари қурилиши лойиҳаларига ҳам катта қизиқиш билдирди.  Шу муносабат билан Ўзбекистонда компанияни рўйхатдан ўтказиш ва очиш тартиби тафсилотлари,  шунингдек,  меҳнат ресурсларини чет элдан жалб қилиш имкониятлари муҳокама қилинди. Агентлик мутахассислари келажакда барча керакли маълумотлар тақдим этилишини таъкидладилар.

Учрашувни якунлаб,  томонлар Сингапур компанияси вакилларининг Наманган ва Фарғонага ташрифидан кейин иккинчи учрашувни ташкил этиш зарурлигини таъкидладилар.