Маҳаллий ва хорижий инвесторлар билан учрашув ўтказилди

Жорий йил 10 ноябрь куни Давактив агентлиги биносида йирик халқаро инвестициявий фондлар вакиллари билан учрашув бўлиб ўтди. Улар орасида “Bluestone Investment Bank” (АҚШ), “Prosperity Capital Management” (Россия) ва “AFC Frontier Capital” (Хитой) компанияси вакиллари ҳам бор эди.

Унда Давактив агентлиги ва “UzAssets” инвестиция компанияси ходимлари томонидан хорижий инвесторларга хусусийлаштиришнинг кенг кўламли дастури, хозирда сотувда турган давлат корхоналари, шунингдек уларнинг савдо жараёни тўғрисида батафсил маълумот берилди.

Жумладан, учрашув давомида “Кварц” АЖ фаолияти ва жозибадорлиги юзасидан махсус тайёрланган видеоролик намойиш этилди ва мазкур жамият бошқарув раиси томонидан инвесторларни қизиқтирган саволларга жавоб берилди.