×

Версия для слабовидящих

Call-center
+998 (71) 202-02-10

Тошкентда туризм соҳасида Япониянинг тўғридан-тўғри инвестициялари ўзлаштирилмоқда

Тошкент шаҳар туризмни ривожлантириш департаменти ходимлари пойтахтдаги туризм соҳасидаги инвестиция лойиҳаларини жойларига чиққан ҳолда ўрганишмоқда. Жумладан, Япония давлатининг «H.I.S. Hotel Holdings Co. Ltd» компанияси томонидан Олмазор туманида Абдулла Қодирий номидаги боғнинг иккинчи ҳудудида умумий майдони 0,5 гектарга тенг бўлган 4 юлдузли замонавий миллий услубдаги меҳмонхона мажмуасини қуриш ишлари билан танишди. Ушбу қурилаётган меҳмонхона 140 хонадан иборат бўлиб, Япониянинг тўғридан-тўғри инвестициялари ҳажми 13 млн. АҚШ долларини ташкил этади. 2020 йилнинг январь-июнь ҳолатига 5,8 млн. АҚШ доллари ўзлаштирилди.

Ҳозирги кунда меҳмонхонани қуриш ишлари жадаллик билан амалга оширилмоқда. Меҳмонхонанинг ертўла қисми ва биринчи қавати битган бўлиб, ушбу қурилиш ишларига 100 дан ортиқ ишчи жалб қилинган. Мазкур лойиҳани 2021 йил охирида фойдаланишга топшириш мўлжалланган. Яратиладиган иш ўринларининг умумий сони 73 тани ташкил этади.

Президентнинг 2020 йил 9 январдаги “Ўзбекистон Республикасининг 2020-2022 йилларга мўлжалланган Инвестиция дастурини амалга ошириш чора-тадбирлари тўғрисида”ги 4563-сонли қарорига асосан Тошкент шаҳрида туризм соҳасига оид жами 14 лойиҳа киритилган бўлиб, уларнинг умумий қиймати 429,5 млн. АҚШ долларини ташкил этади. Шундан 420 млн. доллари тўғридан-тўғри хорижий инвестицияларни ташкил этади. Жорий йилнинг январь-июнь ойларида қарийб 45,4 млн. доллар ўзлаштирилган.

Манба: https://uzbektourism.uz/