×

Версия для слабовидящих

Call-center
+998 (71) 202-02-10

Хорижий инвестицияларини жалб этиш агентлиги ва экспортни рағбатлантириш агентлиги мутахассислари иштирокида коррупцияга қарши кураш масалаларига бағишланган семинар бўлиб ўтди

Жорий йилнинг 3 феврал куни Ўзбекистон Республикаси инвестиция ва ташқи савдо вазирлиги ҳузуридаги хорижий инвестицияларини жалб этиш агентлиги ва экспортни рағбатлантириш агентлиги мутахассислари иштирокида коррупцияга қарши курашиш ва коррупциянинг олдини олиш бўйича семинар бўлиб ўтди. Тошкент шаҳар прокуратураси ходимлари – катта терговчи Жўрабек Рашидов ва терговчи Сайидрасул Набихўжаев таклиф етилган маърузачилар сифатида қатнашдилар..

Учрашувнинг мақсади коррупцияга қарши курашиш бўйича давлат сиёсатининг олтб борилиши ва давлат идоралари вакиллари ўртасида ҳуқуқий онгни ва ҳуқуқий маданиятни оширишга қаратилган чора-тадбирларни амалга ошириш масалаларини муҳокама қилиш эди.

Экспортни рағбатлантириш агентлиги директори ўринбосари Бобиржон Кенжаев тадбирни очар экан, «яширин иқтисодиёт» ни қисқартириш ва давлат органлари билан ўзаро муносабатлардаги бюрократик тўсиқларни бартараф этиш ва камайтириш бўйича комплекс дастурни амалга оширмасдан, шунингдек, коррупциянинг олдини олиш ва унга қарши курашишга қаратилган жараёнларга фуқаролик жамияти институтларини фаол жалб қилмасдан республикада кенг кўламли ижтимоий-иқтисодий ислоҳотларни амалга ошириб бўлмаслигини таъкидлади.

Шунингдек, Экспортни рағбатлантириш агентлиги вакили Шахноза Исаева иштирокчиларни семинарнинг кейинги дастури билан таништирди. Унда коррупцияга қарши кураш сиёсатини жорий этиш бўйича мақсадларни амалга ошириш учун 2017 йилда «Коррупцияга қарши кураш тўғрисида» ги Ўзбекистон Республикасининг ЗРУ-419-сонли Қонуни қабул қилингани ҳамда мазкур ҳужжатда коррупцияга қарши курашишнинг асосий тамойиллари – қонунийлик; фуқароларнинг ҳуқуқлари, эркинликлари ва қонуний манфаатларининг устуворлиги; очиқлик ва шаффофлик; тизимлилик; давлат ва фуқаролик жамияти ўртасидаги ўзаро ҳамкорлик; коррупцияни олдини олиш бўйича чора-тадбирларнинг устуворлиги ва содир этилган ҳаракатлар учун жавобгарликнинг муқаррарлиги баён этилгани ҳақида таъкидлади. 2020 йилда эса коррупциянинг олдини олиш ва унга қарши курашиш соҳасидаги давлат сиёсати учун масъул бўлган Коррупцияга қарши курашиш агентлиги ташкил этилди.

Семинарда нутқ сўзлаган катта терговчи Жўрабек Рашидов Осиё ва Тинч океани минтақаси мамлакатлари, шу жумладан Хитой ва Сингапур, давлат секторидаги фаол ислоҳотлар, барча даражаларда давлат бюджети маблағларидан фойдаланишда очиқлик ва шаффофликни таъминлаш орқали, шунингдек, замонавий рақамли технологиялар ёрдамида давлат хизматларини кўрсатишни кенгайтириш ва давлат хизматчиларининг даромад даражаси ҳамда бошқа соҳалар бўйича маълумотлардан очиқ фойдаланиш орқали юқори даражадаги иқтисодий ўсишга эришганлигини таъкидлади. Ушбу чора-тадбирларнинг барчаси иқтисодий фаровонликни оширишга ва аҳолининг ишончини юксалтиришга хизмат қилди.

Шунингдек, маърузачилар томонидан 2020-2021 йилларда барча давлат ва хўжалик бошқаруви органларида босқичма-босқич амалга оширилаётгани таъкидланди. коррупсияга қарши ички назорат тизими – коррупцияни олдини олиш учун ««комплаенс-контроль»» тизими жорий этилади.

Тадбир чоғида Aгентликлар мутахассислари узоқ муддатли ишбилармонлик муносабатларини ривожлантириш учун хорижий инвесторлар ва чет эл савдо шерикларини жалб қиладиган муҳим омиллардан бири бу қонуний ҳуқуқлар ва кафолатларни ҳимоя қилиш ҳамда коррупция ҳолатларига қарши қонунчиликни таъминлаш эканлигини қайд этдилар. Манфаатдор хорижий шерикларга Ўзбекистон Республикасида коррупцияга қарши курашиш сиёсати тўғрисида кенг маълумот бериш бўлимлар фаолиятини амалга оширишнинг энг муҳим вазифаларидан бири ҳисобланади.

Иштирокчилар маърузачиларга самарали учрашув учун миннатдорлик билдириб, томонларнинг ҳар бири бугунги кунда миллий манфаатларни ҳимоя қилиш ва халқаро маконда Ўзбекистоннинг имижини яхшилашга муҳим ҳисса қўшаётганини таъкидладилар.