×

Ўзбекистонга виза олиш тўғрисида ахборот ва ташкилий жиҳатлар

 

ЎЗБЕКИСТОН РЕСПУБЛИКАСИ ВИЗАСИ

Ўзбекистон Республикаси қонунчилигига мувофиқ чет эл фуқаролари ва фуқаролиги бўлмаган шахслар фақат виза асосида Ўзбекистон ҳудудига киришлари ва унинг ҳудуди орқали транзит ўтишлари мумкин.

Чет эл фуқаролари ва фуқаролиги бўлмаган шахсларга визалар Ўзбекистон Республикасининг хориждаги дипломатик ваколатхоналари ва консуллик муассасаларида виза талабномаси (Ўзбекистон Республикаси Ташқи ишлар вазирлиги тасдиғи) асосида берилади.

Виза талабномаси Ўзбекистон ҳудудида доимий ёки вақтинча жойлашган юридик ва жисмоний шахсларнинг Ўзбекистон Республикаси Ташқи ишлар вазирлигига ёзма илтимосномаси асосида расмийлаштирилади.

Юридик шахслар қуйидаги ҳужжатларни тақдим этадилар:

– Ташкилотнинг расмий бланкида тўлдирилган, ўрнатилган намунадаги Виза талабномаси;

– evisa.mfa.uz сайтидан олинган электрон анкета; 

– Таклиф қилинаётган шахснинг, ташкилот раҳбарининг ва ташкилотнинг ҳужжатларини топширишга ваколатли ходимининг паспортлари нусхалари;

– Ташкилотнинг расмий ҳужжатлари нусхалари (лицензия, сертификат, гувоҳнома ва ҳк.);

– Ташкилот раҳбари ва ваколатли ходимининг ишга жойлашиш тўғрисидаги буйруқлари нусхалари;

– Ташкилотнинг ваколатли ходими номига берилган ишончнома нусхаси;

– Виза Тошкент шаҳрининг аеропортида олиниши мўлжалланган ҳолатларда – авиачипта ёки брон нусхалари;

– Таклиф қилинаётган шахснинг иш жойидан маълумотнома.

Жисмоний шахслар қуйидаги ҳужжатларни тақдим этадилар:

– Ўрнатилган намунадаги Виза талабномаси;

– evisa.mfa.uz сайтидан олинган электрон анкета;

– Таклиф қилинаётган ва таклиф қилаётган шахсларнинг паспортлари нусхалари;

– Ички ишлар органлари томонидан олинган таклифнома рухсатининг асли;

– Қариндошлик алоқаларини тасдиқловчи ҳужжатлар нусхалари (агар бўлса);

– Виза Тошкент шаҳрининг аеропортида олиниши мўлжалланган ҳолатларда – авиачипта ёки брон нусхалари.

Юридик ва жисмоний шахсларнинг ўрнатилган тартибда Ўзбекистон Республикаси Ташқи ишлар вазирлигига тақдим қилинган ёзма илтимосномалари 10 иш куни давомида кўриб чиқилади.

Чет эл фуқаролари ва фуқаролиги бўлмаган шахслар виза олиш учун Ўзбекистон Республикасининг хориждаги дипломатик ваколатхоналари ва консуллик муассасаларига қуйидаги ҳужжатларни тақдим этишлари лозим:
  • паспорт ёки фуқаролиги бўлмаган шахс ҳужжати (ушбу ҳужжатларнинг амал қилиш муддати виза муддатидан камида 3 ойдан кўп бўлиши лозим);
  • 2 нусхада тўлиқ тўлдирилган виза талабномаси;
  • 2 та рангли фотосурат (паспорт ўлчамида).

Чет эл фуқаролари ва фуқаролиги бўлмаган шахслар транзит виза олишлари учун юқорида кўрсатилган ҳужжатлардан ташқари кетаётган давлатнинг визаси ва Ўзбекистондан чиқиб кетиш санаси тасдиқланган йўл ҳужжатларига эга бўлишлари лозим. Ушбу ҳолда виза талабномасини кўриб чиқиш муддати 3 кунни ташкил этади.

Ўзбекистон Республикасининг дипломатик муассасаси ёки консуллик ваколатхонаси бўлмаган давлат фуқаролари ва фуқаролиги бўлмаган шахслар визани Ўзбекистонга келиб, Ташқи ишлар вазирлигининг «Тошкент» халқаро аеропортидаги виза билан таъминлаш секторидан олишлари мумкин. Бунинг учун Ўзбекистон ҳудудидаги таклиф қилувчи жисмоний ёки юридик шахс ўрнатилган тартибда олдиндан Ўзбекистон Республикаси Ташқи ишлар вазирлигига мурожаат қилиши, Консуллик бошқармасининг Виза билан таъминлаш бўлимидан тегишли тасдиқ (штамп) олиши ва уни таклиф қилинувчи шахсга юбориши лозим. Мазкур тасдиқ таклиф қилинувчи шахс томонидан авиачипта харид қилиш ва ўз давлатидаги паспорт текширувидан ўтиш пайтида тақдим этилади ва ушбу ҳужжат асосида Ташқи ишлар вазирлигининг «Тошкент» халқаро аеропортидаги виза билан таъминлаш секторида унга виза расмийлаштирилади.

Ўзбекистон Республикаси қонунчилигига мувофиқ визаларни расмийлаштириш ва бериш учун қуйидаги консуллик йиғимлари ўрнатилган:

a) Бир марталик визалар учун:

  • 7 кунгача — 40 АҚШ доллари;
  • 15 кунгача — 50 АҚШ доллари;
  • 30 кунгача — 60 АҚШ доллари;
  • 3 ойгача — 80 АҚШ доллари;
  • 6 ойгача- 120 АҚШ доллари;
  • 1 йилгача — 160 АҚШ доллари.

Изоҳ: ҳар бир қўшимча киришлар сони учун тарифлар ставкаси 10 АҚШ долларига оширилади.

b) Кўп марталик визалар учун:

  • 6 ойгача- 150 АҚШ доллари;
  • 1 йилгача — 250 АҚШ доллари.

c) Транзит визалар учун:

  • 72 соатгача — 40 АҚШ доллари;
  • икки марталик транзит виза учун — 50 АҚШ доллари.

d) Гуруҳ визалари учун (гуруҳда 16 ёшгача бўлган болалардан ташқари камида 5 киши бўлиши лозим):

  • 15 кунгача — 15 АҚШ доллари (ҳар бир киши учун);
  • 30 кунгача — 25 АҚШ доллари (ҳар бир киши учун).

Бундан ташқари виза бериш пайтида виза расмийлаштириш билан боғлиқ бўлган ҳақиқий ҳаражатларни қоплаш учун йиғимлар ундирилади. Бундай йиғимларнинг миқдори виза расмийлаштирилаётган жойга боғлиқдир (мурожаат қилаётган шахснинг фуқаролигидан қатъи назар).

Изоҳ: Ўзбекистон Республиксаси билан тегишли икки томонлама шартнома ва келишувлар тузган давлат фуқароларига нисбатан Ўзбекистонга кириш визасини расмийлаштиришнинг бошқача тартиби жорий қилинган бўлиши мумкин.

Ўзбекистоннинг алоҳида давлатлар билан виза тартиби

1.Қирғизистон (60 кунгача), Тожикистон (30 кунгача), Арманистон, Беларус, Грузия, Молдова, Озарбайжон, Қозоғистон, Россия ва Украина билан икки томонлама визасиз режим ўрнатилган.

2.Андорра, Аргентина, Австралия, Австрия, Белгия, Бирлашган Араб Амирликлари, Болгария, Босния ва Гертсеговина, Бразилия, Бруней-Доруссалом, Буюк Британия, Дания, Эстония, Финландия, Франция, Германия, Гретсия, Индонезия, Ирландия, Исландия, Испания, Исроил, Италия, Канада, Кипр, Корея, Латвия, Литва, Лихтенштейн, Луксембург, Малайзия, Малта, Мўғулистон, Монако, Нидерландия, Норвегия, Полша, Португалия, Руминия, Сан-Марино, Сербия, Сингапур, Словакия, Словения, Туркия, Ватикан, Венгрия, Хорватия, Янги Зеландия, Япония, Шветсия, Швейсария, Черногория, Чехия, Чили фуқаролари учун 30 кунлик муддатга визасиз тартиб жорий этилган.

Визасиз тартиб ташриф мақсадидан қат’ий назар мазкур давлатлардан Ўзбекистон Республикасига 30 кунгача бўлган муддатга ташриф буюрмоқчи бўлган ҳар қандай турдаги паспорт (дипломатик, хизмат ва фуқаролик паспортлари) эгаларига нисбатан қўлланилади. Мазкур давлатлар фуқаролари ушбу тартибда Ўзбекистон Республикасига амалдаги миллий паспорт ёки хорижий давлатларга чиқишда фойдаланадиган бошқа ҳужжат асосида киришлари мумкин.

Визасиз тартиб юқоридаги давлатларда доимий яшовчи фуқаролиги ё‘қ шахсларга нисбатан қўлланилмайди.Визасиз тартиб Ўзбекистон Республикасига кириб келган кундан бошлаб 30 кун давомида амал қилади. Чет эл фуқароси 30-кун тугагунига қадар Ўзбекистон Республикасидан чиқиб кетиши лозим. Чет эл фуқароси томонидан 30 кунлик муддатнинг ўтказиб юборилиши хорижий фуқароларнинг Ўзбекистон Республикасида бўлиши қоидаларини бузиш деб ҳисобланади.

Чет эл фуқароси Ўзбекистон Республикасида 30 кундан кўп муддатга келмоқчи бўлса белгиланган тартибда ташриф мақсадига мувофиқ равишда Ўзбекистон Республикасига кириш визасини олиши лозим бўлади.

3.16 ёшга то’лмаган хорижий фуқаролар учун О’збекистон Республикасига визасиз кириш тартиби о’рнатилган, бунда ушбу фуқаролар қонуний вакиллари ҳамроҳлигида бўлишлари ва биометрик ўтиш ҳужжатига эга бўлишлари талаб этилади ва Ўзбекистон ҳудудида ҳамроҳ шахснинг визаси амал қилиш даврида, лекин 90 кундан ортиқ бўлмаган муддатда бўлишлари мумкин.

4.2021 йил 1 январдан бошлаб виза режими бекор қилинади: Хитой фуқаролари (туристик гуруҳлар таркибида), 55 ёшга тўлганлик шарти билан Ўзбекистон Республикасида сайёҳлик мақсадида 30 кун муддат ичида яшайдиган AҚШ ва Ветнам фуқаролари учун.

5.Тожикистон, Туркманистон, Венгрия ва Хитой (30 кунгача), Корея Республикаси, Ҳиндистон ва Ветнам (60 кунгача), Бразилия, Эстония,Кувайт, Латвия, Полша, Руминия, Сингапур, Словакия ва Туркия (90 кунгача) дипломатик паспорт эгалари учун визасиз тартиб жорий этилган. Ушбу давлатларнинг (Ҳиндистондан ташқари) Ўзбекистон Республикаси ҳудудида аккредитатсия қилинган дипломатик ваколатхоналари ёки консуллик муассасаларида дипломатик паспорт эгаси бўлган ходимлари, шунингдек, уларнинг оила а’золари хизмат муддати давомида Ўзбекистон Республикасига визасиз кириш ва бу ерда бўлиш ҳуқуқига эгадирлар.

6.Чет эл фуқароларига электрон кириш визаси тартиби (е-виса.гов.уз) жорий этилган ва Ўзбекистон Республикаси электрон визасини олиш имкониятига эга бўлган мамлакатлар рўйхати 1-иловага мувофиқ тасдиқланган.

2019-йил 15-мартдан бошлаб 30 кунлик амал қилиш муддати бўлган электрон виса тизимининг қуйидаги турлари жорий этилади:

– икки марталик, консуллик йиғими 35 АҚШ доллари миқдорида;

– кўп марталик, консуллик йиғими 50 АҚШ доллари миқдорида.

7.Ўзбекистонга беш кунгача визасиз кириш тартиби 2-иловадаги давлатлат фуқароларига нисбатан жорий этилган бўлиб, бунда чет эл фуқаролари Ўзбекистон Республикасининг халқаро аеропортлари орқали транзит билан кетаётганлари ва учинчи мамлакатга Ўзбекистон Ҳаво ё‘ллари Миллий авиакомпаниясининг учиш чиптасига эга бўлишлари лозим. Ушбу амалиёт О’збекистоннинг диққатга сазовор жойлари билан танишишни истаган транзит ё’ловчиларга нисбатан қо’лланилади;

8. Ўзбекистон ва Япония ўзаро келишув асосида визаларни консуллик йиғимлари ундирмасдан берадилар.

Фуқаролари электрон кириш визасини олиш (е-виса.гов.уз) ёки Ўзбекистоннинг консуллик муассасаларида соддалаштирилган тартибда туризм визаларини расмийлаштириш имкониятига эга бўлган мамлакатлар рўйхати
  1. Албания Республикаси
  2. Америка Қўшма Штатлари
  3. Ангола Республикаси
  4. Антигуа ва Барбуда
  5. Багама Ороллари Ҳамдўстлиги
  6. Баҳрайн Қироллиги
  7. Бангладеш Халқ Республикаси
  8. Барбадос
  9. Белиз
  10. Бутан Қироллиги
  11. Доминикана Ҳамдўстлиги
  12. Доминикана Республикаси
  13. Эквадор Республикаси
  14. Эл-Салвадор Республикаси
  15. Эрон Ислом Республикаси
  16. Фижи Республикаси
  17. Филиппин Республикаси
  18. Габон Республикаси
  19. Гана Республикаси
  20. Гаяна Кооператив Республикаси
  21. Гондурас Республикаси
  22. Гренада
  23. Гватемала Республикаси
  24. Ҳиндистон Республикаси
  25. Иордания Ҳошимийлар Қироллиги
  26. Жанубий Африка Республикаси
  27. Жазоир Халқ Демократик Республикаси
  28. Кабо-Верде Республикаси
  29. Камбоджа Қироллиги
  30. Камерун Республикаси
  31. Кирибати Республикаси
  32. Кўп миллатли Боливия Давлати
  33. Колумбия Республикаси
  34. Корея Халқ Демократик Республикаси
  35. Коста-Рика Республикаси
  36. Кот-д’Ивуар Республикаси
  37. Куба Республикаси
  38. Кувайт Давлати
  39. Лаос Халқ Демократик Республикаси
  40. Ливан Республикаси
  41. Македония Республикаси
  42. Малдив Республикаси
  43. Марокаш Қироллиги
  44. Маршалл Ороллари Республикаси
  45. Маврикий Республикаси
  46. Мексика Қўшма Штатлари
  47. Микронезия Федератив Штатлари
  48. Миср Араб Республикаси
  49. Науру Республикаси
  50. Непал Федератив Демократик Республикаси
  51. Никарагуа Республикаси
  52. Палау Республикаси
  53. Панама Республикаси
  54. Парагвай Республикаси
  55. Перу Республикаси
  56. Қатар Давлати
  57. Самоа Мустақил Давлати
  58. Саудия Арабистони Қироллиги
  59. Сенегал Республикаси
  60. Сент-Китс ва Невис Федерацияси
  61. Сент-Люсия
  62. Сент-Винсент ва Гренадин
  63. Сейшел Ороллари Республикаси
  64. Соломон Ороллари
  65. Суринам Республикаси
  66. Таиланд Қироллиги
  67. Тонга Қироллиги
  68. Тринидад ва Тобаго Республикаси
  69. Тунис Республикаси
  70. Уругвай Шарқий Республикаси
  71. Вануату Республикаси
  72. Венесуела Боливар Республикаси
  73. Ветнам Сотсиалистик Республикаси
  74. Хитой Халқ Республикаси (жумладан Гонконг)
  75. Ямайка
  76. Шри-Ланка Демократик Сотсиалистик Республикаси
  77. Ўмон Султонлиги   

    Изоҳ: Ўзбекистон Республикаси Ташқи ишлар вазирлиги, зарур ҳолларда, айрим давлат фуқаролари учун 30 кунгача бўлган муддатда электрон кириш визаларини олиш юзасидан чекловлар белгилаш ҳуқуқига эга. 

Ўзбекистон Республикасига визасиз транзит кириш ва 5 кунгача бўлиш тартиби қуйидаги давлатлар фуқаролари учун жорий этилган
  1. Албания
  2. Америка Қўшма Штатлари
  3. Антигуа ва Барбуда
  4. Багама
  5. Баҳрайн
  6. Барбадос
  7. Белиз
  8. Бутан
  9. Доминика
  10. Доминикан Республикаси
  11. Эквадор
  12. Экваториал Гвинея
  13. Фижи
  14. Филиппин
  15. Габон
  16. Гаяна
  17. Гондурас
  18. Гренада
  19. Гватемала
  20. Ҳиндистон
  21. Жанубий Африка Республикаси
  22. Жазоир
  23. Колумбия
  24. Коста-Рика
  25. Кувайт
  26. Ливан
  27. Македония
  28. Малдив ороллари
  29. Марокаш
  30. Маврикий
  31. Мексика
  32. Науру
  33. Палау
  34. Панама
  35. Перу
  36. Қатар
  37. Сант-Китс ва Невис
  38. Саудия Арабистони
  39. Сент Люсия
  40. Сент-Винсент ва Гренадина
  41. Сейшел Ороллари
  42. Суринам
  43. Таиланд
  44. Тринидад ва Тобаго
  45. Тунис
  46. Туркманистон
  47. Уругвай
  48. Венесуела
  49. Ветнам
  50. Хитой (жумладан Гонконг)
  51. Ямайка
  52. Шри-Ланка
  53. Ўмон

Изоҳ: Ўзбекистонга кириш визасини расмийлаштириш ва уни узайтириш учун Ташқи ишлар вазирлигининг Дипломатик ваколатхоналарга хизмат кўрсатиш бошқармаси хизматларидан фойдаланишингиз мумкин. 

Батафсил маълумот mfa.uz сайтида